SriKrisna Stotrams

     

Back toHindu

Krishna Ashtakam

vasudeva sutaṃ devaṃ kaṃsa cāṇūra mardanam |
devakī paramānandaṃ kṛṣṇaṃ vande jagadgurum ||
atasī puṣpa saṅkāśaṃ hāra nūpura śobhitam |
ratna kaṅkaṇa keyūraṃ kṛṣṇaṃ vande jagadgurum ||
kuṭilālaka saṃyuktaṃ pūrṇacandra nibhānanam |
vilasat kuṇḍaladharaṃ kṛṣṇaṃ vande jagadguram ||
mandāra gandha saṃyuktaṃ cāruhāsaṃ caturbhujam |
barhi piṃchāva cūḍāṅgaṃ kṛṣṇaṃ vande jagadgurum ||
utphulla padmapatrākṣaṃ nīla jīmūta sannibham |
yādavānāṃ śiroratnaṃ kṛṣṇaṃ vande jagadgurum ||
rukmiṇī keḷi saṃyuktaṃ pītāmbara suśobhitam |
avāpta tulasī gandhaṃ kṛṣṇaṃ vande jagadgurum ||
gopikānāṃ kucadvanda kuṅkumāṅkita vakṣasam |
śrīniketaṃ maheṣvāsaṃ kṛṣṇaṃ vande jagadgurum ||
śrīvatsāṅkaṃ mahoraskaṃ vanamālā virājitam |
śaṅkhacakra dharaṃ devaṃ kṛṣṇaṃ vande jagadgurum ||
kṛṣṇāṣṭaka midaṃ puṇyaṃ prātarutthāya yaḥ paṭhet |
koṭijanma kṛtaṃ pāpaṃ smaraṇena vinaśyati ||

          

Madhurashtakam

Author: śrī vallabhācārya
adharaṃ madhuraṃ vadanaṃ madhuraṃ
nayanaṃ madhuraṃ hasitaṃ madhuram |
hṛdayaṃ madhuraṃ gamanaṃ madhuraṃ
madhurādhipaterakhilaṃ madhuram || 1 ||
vacanaṃ madhuraṃ caritaṃ madhuraṃ
vasanaṃ madhuraṃ valitaṃ madhuram |
calitaṃ madhuraṃ bhramitaṃ madhuraṃ
madhurādhipaterakhilaṃ madhuram || 2 ||
veṇu-rmadhuro reṇu-rmadhuraḥ
pāṇi-rmadhuraḥ pādau madhurau |
nṛtyaṃ madhuraṃ sakhyaṃ madhuraṃ
madhurādhipaterakhilaṃ madhuram || 3 ||
gītaṃ madhuraṃ pītaṃ madhuraṃ
bhuktaṃ madhuraṃ suptaṃ madhuram |
rūpaṃ madhuraṃ tilakaṃ madhuraṃ
madhurādhipaterakhilaṃ madhuram || 4 ||
karaṇaṃ madhuraṃ taraṇaṃ madhuraṃ
haraṇaṃ madhuraṃ smaraṇaṃ madhuram |
vamitaṃ madhuraṃ śamitaṃ madhuraṃ
madhurādhipaterakhilaṃ madhuram || 5 ||
guñjā madhurā mālā madhurā
yamunā madhurā vīcī madhurā |
salilaṃ madhuraṃ kamalaṃ madhuraṃ
madhurādhipaterakhilaṃ madhuram || 6 ||
gopī madhurā līlā madhurā
yuktaṃ madhuraṃ muktaṃ madhuram |
dṛṣṭaṃ madhuraṃ śiṣṭaṃ madhuraṃ
madhurādhipaterakhilaṃ madhuram || 7 ||
gopā madhurā gāvo madhurā
yaṣṭi rmadhurā sṛṣṭi rmadhurā |
dalitaṃ madhuraṃ phalitaṃ madhuraṃ
madhurādhipaterakhilaṃ madhuram || 8 ||
|| iti śrīmadvallabhācāryaviracitaṃ madhurāṣṭakaṃ sampūrṇam || 

      

Achyutaashtakam

Author: ādi śaṅkarācārya
acyutaṃ keśavaṃ rāmanārāyaṇaṃ
kṛṣṇadāmodaraṃ vāsudevaṃ harim |
śrīdharaṃ mādhavaṃ gopikā vallabhaṃ
jānakīnāyakaṃ rāmacandraṃ bhaje || 1 ||
acyutaṃ keśavaṃ satyabhāmādhavaṃ
mādhavaṃ śrīdharaṃ rādhikā rādhitam |
indirāmandiraṃ cetasā sundaraṃ
devakīnandanaṃ nandajaṃ sandadhe || 2 ||
viṣṇave jiṣṇave śaṅkane cakriṇe
rukmiṇī rāhiṇe jānakī jānaye |
vallavī vallabhāyārcitā yātmane
kaṃsa vidhvaṃsine vaṃśine te namaḥ || 3 ||
kṛṣṇa govinda he rāma nārāyaṇa
śrīpate vāsudevājita śrīnidhe |
acyutānanta he mādhavādhokṣaja
dvārakānāyaka draupadīrakṣaka || 4 ||
rākṣasa kṣobhitaḥ sītayā śobhito
daṇḍakāraṇyabhū puṇyatākāraṇaḥ |
lakṣmaṇonānvito vānaraiḥ sevito
agastya sampūjito rāghavaḥ pātu mām || 5 ||
dhenukāriṣṭakā‌உniṣṭikṛd-dveṣihā
keśihā kaṃsahṛd-vaṃśikāvādakaḥ |
pūtanākopakaḥ sūrajākhelano
bālahopālakaḥ pātu māṃ sarvadā || 6 ||
bidyudud-yotavat-prasphurad-vāsasaṃ
prāvṛḍam-bhodavat-prollasad-vigraham |
vānyayā mālayā śobhitoraḥ sthalaṃ
lohitāṅ-ghidvayaṃ vārijākṣaṃ bhaje || 7 ||
kuñcitaiḥ kuntalai bhrājamānānanaṃ
ratnamauḷiṃ lasat-kuṇḍalaṃ gaṇḍayoḥ |
hārakeyūrakaṃ kaṅkaṇa projjvalaṃ
kiṅkiṇī mañjulaṃ śyāmalaṃ taṃ bhaje || 8 ||
acyutasyāṣṭakaṃ yaḥ paṭhediṣṭadaṃ
premataḥ pratyahaṃ pūruṣaḥ saspṛham |
vṛttataḥ sundaraṃ kartṛ viśvambharaḥ
tasya vaśyo hari rjāyate satvaram ||

       

Govindaashtakam

Author: ādi śaṅkarācārya
satyaṃ ṅñānamanantaṃ nityamanākāśaṃ paramākāśam |
goṣṭhaprāṅgaṇariṅkhaṇalolamanāyāsaṃ paramāyāsam |
māyākalpitanānākāramanākāraṃ bhuvanākāram |
kṣmāmānāthamanāthaṃ praṇamata govindaṃ paramānandam || 1 ||
mṛtsnāmatsīheti yaśodātāḍanaśaiśava santrāsam |
vyāditavaktrālokitalokālokacaturdaśalokālim |
lokatrayapuramūlastambhaṃ lokālokamanālokam |
lokeśaṃ parameśaṃ praṇamata govindaṃ paramānandam || 2 ||
traiviṣṭaparipuvīraghnaṃ kṣitibhāraghnaṃ bhavarogaghnam |
kaivalyaṃ navanītāhāramanāhāraṃ bhuvanāhāram |
vaimalyasphuṭacetovṛttiviśeṣābhāsamanābhāsam |
śaivaṃ kevalaśāntaṃ praṇamata govindaṃ paramānandam || 3 ||
gopālaṃ prabhulīlāvigrahagopālaṃ kulagopālam |
gopīkhelanagovardhanadhṛtilīlālālitagopālam |
gobhirnigadita govindasphuṭanāmānaṃ bahunāmānam |
gopīgocaradūraṃ praṇamata govindaṃ paramānandam || 4 ||
gopīmaṇḍalagoṣṭhībhedaṃ bhedāvasthamabhedābham |
śaśvadgokhuranirdhūtodgata dhūḷīdhūsarasaubhāgyam |
śraddhābhaktigṛhītānandamacintyaṃ cintitasadbhāvam |
cintāmaṇimahimānaṃ praṇamata govindaṃ paramānandam || 5 ||
snānavyākulayoṣidvastramupādāyāgamupārūḍham |
vyāditsantīratha digvastrā dātumupākarṣantaṃ tāḥ
nirdhūtadvayaśokavimohaṃ buddhaṃ buddherantastham |
sattāmātraśarīraṃ praṇamata govindaṃ paramānandam || 6 ||
kāntaṃ kāraṇakāraṇamādimanādiṃ kāladhanābhāsam |
kāḷindīgatakāliyaśirasi sunṛtyantam muhuratyantam |
kālaṃ kālakalātītaṃ kalitāśeṣaṃ kalidoṣaghnam |
kālatrayagatihetuṃ praṇamata govindaṃ paramānandam || 7 ||
bṛndāvanabhuvi bṛndārakagaṇabṛndārādhitavandeham |
kundābhāmalamandasmerasudhānandaṃ suhṛdānandam |
vandyāśeṣa mahāmuni mānasa vandyānandapadadvandvam |
vandyāśeṣaguṇābdhiṃ praṇamata govindaṃ paramānandam || 8 ||
govindāṣṭakametadadhīte govindārpitacetā yaḥ |
govindācyuta mādhava viṣṇo gokulanāyaka kṛṣṇeti |
govindāṅghri sarojadhyānasudhājaladhautasamastāghaḥ |
govindaṃ paramānandāmṛtamantasthaṃ sa tamabhyeti ||
iti śrī śaṅkarācārya viracita śrīgovindāṣṭakaṃ samāptaṃ

   

Sri Krishna Ashtottara Sata Namavali

oṃ kṛṣṇāya namaḥ
oṃ kamalanāthāya namaḥ
oṃ vāsudevāya namaḥ
oṃ sanātanāya namaḥ
oṃ vasudevātmajāya namaḥ
oṃ puṇyāya namaḥ
oṃ līlāmānuṣa vigrahāya namaḥ
oṃ śrīvatsa kaustubhadharāya namaḥ
oṃ yaśodāvatsalāya namaḥ
oṃ hariye namaḥ || 10 ||
oṃ caturbhujātta cakrāsigadā namaḥ
oṃ saṅkhāmbujā yudāyujāya namaḥ
oṃ devākīnandanāya namaḥ
oṃ śrīśāya namaḥ
oṃ nandagopa priyātmajāya namaḥ
oṃ yamunāvegā saṃhāriṇe namaḥ
oṃ balabhadra priyanujāya namaḥ
oṃ pūtanājīvita harāya namaḥ
oṃ śakaṭāsura bhañjanāya namaḥ
oṃ nandavraja janānandine namaḥ || 20 ||
oṃ saccidānanda vigrahāya namaḥ
oṃ navanīta viliptāṅgāya namaḥ
oṃ navanīta naṭanāya namaḥ
oṃ mucukunda prasādakāya namaḥ
oṃ ṣoḍaśastrī sahasreśāya namaḥ
oṃ tribhaṅgine namaḥ
oṃ madhurākṛtaye namaḥ
oṃ śukavāga mṛtābdīndave namaḥ
oṃ govindāya namaḥ
oṃ yogināṃ pataye namaḥ || 30 ||
oṃ vatsavāṭi carāya namaḥ
oṃ anantāya namaḥ
oṃ denukāsurabhañjanāya namaḥ
oṃ tṛṇī kṛta tṛṇā vartāya namaḥ
oṃ yamaḷārjuna bhañjanāya namaḥ
oṃ uttalottāla bhetre namaḥ
oṃ tamāla śyāmalākṛtiye namaḥ
oṃ gopagopīśvarāya namaḥ
oṃ yogine namaḥ
oṃ koṭisūrya samaprabhāya namaḥ || 40 ||
oṃ ilāpataye namaḥ
oṃ parañjyotiṣe namaḥ
oṃ yādavendrāya namaḥ
oṃ yadūdvahāya namaḥ
oṃ vanamāline namaḥ
oṃ pītavāsane namaḥ
oṃ pārijātapahārakāya namaḥ
oṃ govardhanāca loddartre namaḥ
oṃ gopālāya namaḥ
oṃ sarvapālakāya namaḥ || 50 ||
oṃ ajāya namaḥ
oṃ nirañjanāya namaḥ
oṃ kāmajanakāya namaḥ
oṃ kañjalocanāya namaḥ
oṃ madhughne namaḥ
oṃ madhurānāthāya namaḥ
oṃ dvārakānāyakāya namaḥ
oṃ baline namaḥ
oṃ bṛndāvanānta sañcāriṇe namaḥ
oṃ tulasīdāma bhūṣanāya namaḥ || 60 ||
oṃ śamantaka maṇerhartre namaḥ
oṃ naranārayaṇātmakāya namaḥ
oṃ kujja kṛṣṇāmbaradharāya namaḥ
oṃ māyine namaḥ
oṃ paramapuruṣāya namaḥ
oṃ muṣṭikāsura cāṇūra namaḥ
oṃ mallayudda viśāradāya namaḥ
oṃ saṃsāravairiṇe namaḥ
oṃ kaṃsāraye namaḥ
oṃ murāraye namaḥ || 70 ||
oṃ nārākāntakāya namaḥ
oṃ anādi brahmacāriṇe namaḥ
oṃ kṛṣṇāvyasana karśakāya namaḥ
oṃ śiśupālaśiccetre namaḥ
oṃ duryodhanakulāntakāya namaḥ
oṃ vidurākrūra varadāya namaḥ
oṃ viśvarūpapradarśakāya namaḥ
oṃ satyavāce namaḥ
oṃ satya saṅkalpāya namaḥ
oṃ satyabhāmāratāya namaḥ || 80 ||
oṃ jayine namaḥ
oṃ subhadrā pūrvajāya namaḥ
oṃ viṣṇave namaḥ
oṃ bhīṣmamukti pradāyakāya namaḥ
oṃ jagadgurave namaḥ
oṃ jagannāthāya namaḥ
oṃ veṇunāda viśāradāya namaḥ
oṃ vṛṣabhāsura vidvaṃsine namaḥ
oṃ bāṇāsura karāntakṛte namaḥ
oṃ yudhiṣṭira pratiṣṭātre namaḥ || 90 ||
oṃ barhibarhāvataṃsakāya namaḥ
oṃ pārdhasāradhiye namaḥ
oṃ avyaktāya namaḥ
oṃ gītāmṛta mahodhadiye namaḥ
oṃ kāḷīya phaṇimāṇikya rañjita
śrī padāmbujāya namaḥ
oṃ dāmodarāya namaḥ
oṃ yajnabhokrte namaḥ
oṃ dānavendra vināśakāya namaḥ
oṃ nārāyaṇāya namaḥ
oṃ parabrahmaṇe namaḥ || 100 ||
oṃ pannagāśana vāhanāya namaḥ
oṃ jalakrīḍā samāsakta namaḥ
oṃ gopīvastrāpahārākāya namaḥ
oṃ puṇyaślokāya namaḥ
oṃ tīrdhakṛte namaḥ
oṃ vedavedyāya namaḥ
oṃ dayānidhaye namaḥ
oṃ sarvatīrdhātmakāya namaḥ
oṃ sarvagraha rupiṇe namaḥ
oṃ parātparāya namaḥ || 108 ||

  

Bala Mukundaashtakam

karāravindena padāravindaṃ mukhāravinde viniveśayantam |
vaṭasya patrasya puṭe śayānaṃ bālaṃ mukundaṃ manasā smarāmi || 1 ||
saṃhṛtya lokānvaṭapatramadhye śayānamādyantavihīnarūpam |
sarveśvaraṃ sarvahitāvatāraṃ bālaṃ mukundaṃ manasā smarāmi || 2 ||
indīvaraśyāmalakomalāṅgam indrādidevārcitapādapadmam |
santānakalpadrumamāśritānāṃ bālaṃ mukundaṃ manasā smarāmi || 3 ||
lambālakaṃ lambitahārayaṣṭiṃ śṛṅgāralīlāṅkitadantapaṅktim |
bimbādharaṃ cāruviśālanetraṃ bālaṃ mukundaṃ manasā smarāmi || 4 ||
śikye nidhāyādyapayodadhīni bahirgatāyāṃ vrajanāyikāyām |
bhuktvā yatheṣṭaṃ kapaṭena suptaṃ bālaṃ mukundaṃ manasā smarāmi || 5 ||
kalindajāntasthitakāliyasya phaṇāgraraṅgenaṭanapriyantam |
tatpucchahastaṃ śaradinduvaktraṃ bālaṃ mukundaṃ manasā smarāmi || 6 ||
ulūkhale baddhamudāraśauryam uttuṅgayugmārjuna bhaṅgalīlam |
utphullapadmāyata cārunetraṃ bālaṃ mukundaṃ manasā smarāmi || 7 ||
ālokya māturmukhamādareṇa stanyaṃ pibantaṃ sarasīruhākṣam |
saccinmayaṃ devamanantarūpaṃ bālaṃ mukundaṃ manasā smarāmi || 8 ||

   

Krishnam Kalaya Sakhi

Author: nārāyaṇa tīrtha
rāgaṃ: mukhāri
tāḷaṃ: ādi
kṛṣṇaṃ kalaya sakhi sundaraṃ bāla kṛṣṇaṃ kalaya sakhi sundaraṃ
kṛṣṇaṃ kathaviṣaya tṛṣṇaṃ jagatprabha viṣṇuṃ surārigaṇa jiṣṇuṃ sadā bāla
kṛṣṇaṃ kalaya sakhi sundaraṃ
nṛtyantamiha muhuratyantamaparimita bhṛtyānukūlam akhila satyaṃ sadā bāla
kṛṣṇaṃ kalaya sakhi sundaraṃ
dhīraṃ bhavajalabhāraṃ sakalavedasāraṃ samastayogidhāraṃ sadā bāla
kṛṣṇaṃ kalaya sakhi sundaraṃ
śṛṅgāra rasabhara saṅgīta sāhitya gaṅgālaharikeḷa saṅgaṃ sadā bāla
kṛṣṇaṃ kalaya sakhi sundaraṃ
rāmeṇa jagadabhirāmeṇa balabhadrarāmeṇa samavāpta kāmena saha bāla
kṛṣṇaṃ kalaya sakhi sundaraṃ
dāmodaram akhila kāmākaraṅgana śyāmākṛtim asura bhīmaṃ sadā bāla
kṛṣṇaṃ kalaya sakhi sundaraṃ
rādhāruṇādhara sutāpaṃ saccidānandarūpaṃ jagatrayabhūpaṃ sadā bāla
kṛṣṇaṃ kalaya sakhi sundaraṃ
arthaṃ śitilīkṛtānarthaṃ śrī nārāyaṇa tīrthaṃ paramapuruṣārthaṃ sadā bāla
kṛṣṇaṃ kalaya sakhi sundaraṃ

   

Alokaye Sri Balakrishnam

Author: nārāyaṇa tīrtha
rāgaṃ: huseni
tāḷaṃ: ādi
ālokaye śrī bāla kṛṣṇaṃ
sakhi ānanda sundara tāṇḍava kṛṣṇam ||ālokaye||
caraṇa nikvaṇita nūpura kṛṣṇaṃ
kara saṅgata kanaka kaṅkaṇa kṛṣṇam ||ālokaye||
kiṅkiṇī jāla ghaṇa ghaṇita kṛṣṇaṃ
loka śaṅkita tārāvaḷi mauktika kṛṣṇam ||ālokaye||
sundara nāsā mauktika śobhita kṛṣṇaṃ
nanda nandanam akhaṇḍa vibhūti kṛṣṇam ||ālokaye||
kaṇṭhopa kaṇṭha śobhi kaustubha kṛṣṇaṃ
kali kalmaṣa timira bhāskara kṛṣṇam ||ālokaye||
navanīta khaṇṭha dadhi cora kṛṣṇaṃ
bhakta bhava pāśa bandha mocana kṛṣṇam ||ālokaye||
nīla megha śyāma sundara kṛṣṇaṃ
nitya nirmalānanda bodha lakṣaṇa kṛṣṇam ||ālokaye||
vaṃśī nāda vinoda sundara kṛṣṇaṃ
paramahaṃsa kula śaṃsita carita kṛṣṇam ||ālokaye||
govatsa bṛnda pālaka kṛṣṇaṃ
kṛta gopikā cāla khelana kṛṣṇam ||ālokaye||
nanda sunandādi vandita kṛṣṇaṃ
śrī nārāyaṇa tīrtha varada kṛṣṇam ||ālokaye||

Back toHindu

                       





Sri Krishna Images