ఈ వ్రతమిట్లు పూర్తి యైనది .పరమేశ్వరుడు పార్వతితో ఏకాంత మందు ఉండెను. శ్రీ కృష్ణుడా సమయమున వృద్ద బ్రాహ్మణ వేషముతో వచ్చి ,"తల్లీ పార్వతీ ! నేనన్నము తిని ఏడు రోజులయినది . నాకు అన్నము పెట్టనిచో ప్రాణములు నిలువవు .దయతో చూడుము " అని ప్రార్ధించెను . ఇది విని పార్వతి త్వరగా ఈవలికి వచ్చెను. శివునకు తేజస్సు జారి శయ్య మీద పడెను. పార్వతి బ్రాహ్మణునకు అతిధి మర్యాదలు చేసెను . నీకు శ్రీకృష్ణుని అంశతో కుమారుడు కలుగు "నని దీవించి బ్రాహ్మణుడు వెళ్ళిపోయెను . పార్వతి వెళ్లి చూచు సరికి శయ్య మీద చక్కని బాలుడు కనబడెను , ఈ బాలుడెవడని పరమేశ్వరుని అడుగగా శివుడు అతడే గణపతి యనియు నీ కుమారుడనియు చెప్పెను .
పార్వతి ఆ బాలుని చూచి ముచ్చట పడి యెత్తుకొనెను .పుత్రుడు కలిగినందుకు పార్వతీ పరమేశ్వరులు గోదానాదులు చేసి మహా వైభవముతోబాల సారె(బారసాల ) జరిపిరి. దేవతలందరును వచ్చి బాలుని దీవించి కానుక లిచ్చి పోవుచుండిరి .సూర్య పుత్రుడగు శనైశ్చరుడు గూడ బాలుని చూడవచ్చెను .కాని అతడు బాలుని మొగమును జూడక తల దించుకుని కూర్చుండెను .పార్వతి శనిని ,"అదేమయ్యా ,తల దించుకుని కూర్చున్నావు ? పిల్లవాని మొగము చూడవేమి ? నా పుత్రుడన్నచో అంత చూడ దగనివాడా ? నీ ఈ తిరస్కారమును సహింపజాలను .
ఒక శుభ దినము నందు శ్రీకృష్ణుడు గణపతి దగ్గరకు వచ్చి ,గజాననుని ,"సర్వ దేవతలలో ను అగ్ర పూజ్యుడ వుగా నుందువు .నిన్ను సర్వ దేవతలను గణాదిపతిగా స్తుతించి పూజింతురు " అనుచు వనమాల నిచ్చెను. సర్వ దేవతలును సర్వా లంకారములు నొసంగిరి .అందరును గలిసి గణేశునికి షోడశోపచార పూజలు చేసి మంత్ర కవచములతో ఆరాధించిరి .
No comments:
Post a Comment