దేవీ మహాత్మ్యము76

పలాయన పరాన్ద్రష్ట్వా దైత్యాన్మాతృ గణార్దితా

యెద్దుమభ్యాయయౌ క్రుద్దో రక్త బీజో మహాసురః    40

అర్ధము:(40వ శ్లో): మాత్రుగణముచే పీడింపబడి దైత్యులు పారిపోవుటను చూచి రక్త బీజమహాసురుడు కుపితుడై యుద్ధము చేయుటకై ముందుకు వచ్చెను.

రక్త బిన్దుర్యదా భూమౌ పతత్య స్య శరీరతః

సాముత్పతతి మేదిన్యాం తత్ప్రమాణస్త దాసురః     41

అర్ధము:(41వ శ్లో): అతని శరీరమునుండి రక్త బిందువు భూమిపై పడినప్పుడెల్ల అతని యంతటి అసురు డొకడు భూమి నుండి లేచుచుండెను.            

యుయుధే సాగదాపాణి రిన్ద్ర శక్త్యా మహాసుర:

తత శ్చైన్ద్రీ స్వవ జ్రేణ రక్త బీమతా డయత్     42

అర్ధము:(42వ శ్లో): ఆ మహాసురుడు గదాహస్తుడై ఇంద్రాణితో పోరాడెను. ఆమెయు అంతట తన వజ్రాయుధముతో అతనిని కొట్టెను.

కులిశే నా హత స్యాశు బహు సుస్రావ శోణితమ్

సముత్త స్థుస్తతో యోదాస్త ద్రూపా స్త త్పరాక్రమాః      43

అర్ధము:(43వ శ్లో): వజ్రాయుధపు దెబ్బవలన అతనిలో నుండి వెంటనే రక్తము అతిశయముగా కారెను. ఆ రక్తములో నుండి అతని రూపమును, అతని పరాక్రమమును గల యుద్ధ వీరులు ఉత్పత్తి యగుచుండిరి.

యావన్తః పతితాస్త స్య శరీరాద్రక్త బిన్దవః

తావన్తః పురుషా జాతాస్త ద్వీర్య బలవిక్రమాః      44

అర్ధము:(44వ శ్లో): అతని శరీరమునుండి ఎన్ని రక్త బిందువులు నేలపై పడునో అంతమంది పురుషులు, బలసాహస  పరాక్రమములందు అతనివంటివారు, పుట్టుచుండిరి.

తే చాపి యుయుధు స్తత్ర పురుషా రక్త సంభవాః

సమం మాత్రుభి రత్యుగ్ర శస్త్ర పాతాతిభీ షణమ్          45

అర్ధము:(45వ శ్లో): అతని రక్తము నుండి ఉత్పత్తియైన పురుషులు కూడా మాతృకలతో సమానముగా, అతిభీషణముగా అత్యుగ్రశస్త్రములు ప్రయోగించుచు పోరాడిరి.     

పునశ్చ వజ్రపాతే న క్షతమస్య శిరో యదా

వవాహ రక్తం పురుషాస్తతో జాతాః సహస్రశః        46

అర్ధము:(46వ శ్లో): మరల ఆమె వజ్రాయుధపు తాకుడుచే అతని శిరస్సు గాయపరుపబడి అతని రక్తము ప్రవహింపగా, ఆ రక్తములో నుండి వేలకొలది పురుషులు పుట్టిరి.

 First   60   61   62   63   64   65   66   67   68   69   70    71

 72   73   74    75    76    77    78    79    80    81      Last