శ్రీ స్కంద పురాణము20

తరువాత మంధరకుని మాటపై వారందరును గలిసి మాళవ దేశములో నున్న సంవర్తుడను మహాముని దగ్గర కేగిరి .శ్రమ పడి ఆయన దయ సంపాదించిరి. ఆయన " ఈ ఇంద్రద్యుమ్నుని యాగముల వలన ఉడికిన భూమి నుండి పొంగిన మహానది ఇదే .ఇది తీర్ధముల లోనికెల్ల మహా మహిమ కలది . నేను ఏబది యారు కల్పముల నుండి యీ నదీ తీరమున తపము చేసికొను చుంటిని .

మీరును ఈ నదిలో స్నానమాడి శివుని సేవింపుడు .మీకు ఉత్తమ గతులు కలుగు " నని బోధింపగా వారతనిని గురువుగా భావించి స్నానము చేసి ,శివుని ఆ నదీ జలములతో అబిషేకించుచు శివుని యనుగ్రమును సంపాదించిరి. ఇంద్రద్యుమ్నుడక్కడ మహాకాళేశ్వరుడను పేరా ఒక శివ లింగమును ప్రతిష్టించి పూజించెను. ఆ రీతిగా వారు చేసిన శివార్చనముల వలన శాశ్వతముగా శివలోకమును బొందిరి. నాడీ జంఘాధులకు శాపములు తోలిగెను . వారు గూడా ప్రమధ గణములలో వారి వారి స్థానములను బొందిరి.
శివార్చనము సకల శ్రేయోదాయకము అంతే కాదు .స్వర్గాది భోగములు తాత్కాలికములు . "క్షీణే పుణ్యే మర్త్య లోకం విశంతి " ( పుణ్యము తరిగి పోగానే స్వర్గము నుండి జారి భూమిలో పుట్టుదురు. )అని గీతావచనము అట్టి స్వర్గ సుఖముల కంటే శాశ్వతమైన మోక్షమును బుద్దిమంతుడు కోరవలెను .
                                         
                                                          ఇది స్కాంద పురాణము

 First  2  3  4  5  6  7  8  9  10  11  12  13  14  15  16  17  18  19  Last