అక్కడ కొందరు సాలోక్యముక్తు లుందురు. కొందరు సామీప్య ముక్తు లుందురు. మరికొందరు సాయుజ్యముక్తు లుందురు. మహొన్నత స్థితి గలిగించు సప్తకోటి మహామంత్రములు మూర్తి మంతములై దేవిని స్తుతించుచుండును.
ఇది మణిద్వీపవర్ణనము. దీనిని స్మరించిన వారికి సర్వపాపములు తొలగును. ప్రాణము పోవునప్పుడీ మణిద్వీపము స్మృతికి దగిలినచో వానికి ఈ ద్వీపమున దేవీ సాన్నిధ్యము దొరకును. దీనిని నిత్య పారాయణము చేయువారికి దేవీ యనుగ్రహము లభించును. విశేషించి నూతన గృహప్రవేశ సమయమున పారాయణ చేసినచో ఆ యింటిలో నుండువారికి భూతాది బాధలుండవు. ఇల్లు నిత్యకళ్యాణము పచ్చతోరణముగా నుండును. శ్రీ మహాలక్ష్మి మహాగౌరీ మహాసరస్వతీ స్వరూప శ్రీ లలితాంబికాను గ్రహము వలన సకల శుభములును గలుగును.
"సర్వేలోకాయ మాశ్రిత్య వర్ధంతే వీత కల్మషాః
పురాణ పురుషం వందే విశ్వ విజ్ఞాన భాస్కరమ్ "
ఇది "వేదార్ధ ప్రవీణ, "సర్వశాస్త్రా లంకార "
బ్రహ్మశ్రీ కొంపల్లె సత్యనారాయణ శాస్త్రి, శేషమాంబా పుణ్యదంపతీ
తనూభవ వేంకట రామశాస్త్రి ప్రణీతమైన
" అష్టాదశ పురాణములు "
గ్రంథము సంపూర్ణము.
ఇతి శుభమ్.
No comments:
Post a Comment